Shtetet e Bashkuara kanë vënë veton ndaj një rezolute të Këshillit të Sigurimit të OKB-së, duke hedhur poshtë njohjen e fundit nga Presidenti i SHBA, Donald Trump për Jerusalemin, si kryeqyteti i Izraelit dhe planet e tij për të lëvizur ambasadën amerikane në këtë qytet.

Vetoja e SHBA të hënën pritej nga të gjithë, transmeton portali arbresh.info

“Ajo që është e mundimshme për disa njerëz është se Shtetet e Bashkuara kishin guximin dhe ndershmërinë për të njohur një realitet themelor”, tha Nikki Haley, ambasadorja e SHBA-së në OKB.

“Jerusalemi ka qenë atdheu politik, kulturor dhe shpirtëror i popullit hebre për mijëra vjet, nuk kanë pasur kryeqytet tjetër”, vazhdoi ajo.

LEXO EDHE: Këshilli i Sigurimit i bën thirrje Trumpit për tërheqje të vendimit të njohjes

“Shtetet e Bashkuara kanë sovranitetin e duhur për të përcaktuar se ku dhe nëse krijojmë një ambasadë”, tha Haley, duke e përshkruar votimin si një “fyerje” që “nuk do të harrohet”.

Së bashku me Britaninë e Madhe, Francën, Rusinë dhe Kinën, SHBA është një anëtare e përhershme e Këshillit të Sigurimit të OKB-së, me fuqinë për të bllokuar çdo rezolutë nga kalimi me përdorimin e vetos./Arbresh.info/